Kwa mujibu wa Shirika la Habari la Hawza, Ayatollah Mahmoud Rajabi, mjumbe wa Baraza Kuu la Hawzah Nchini Iran na Mkuu wa Taasisi ya Elimu na Utafiti ya Imam Khomeini (ra), katika ujumbe wake alioutoa kwa mnasaba wa Arubaini ya mazishi na kuzikwa kwa Kiongozi Shahidi wa Mapinduzi ya Kiislamu, amesema kuwa tukio hilo ni mwanzo wa uhai mpya wa Uislamu, mwamko wa Umma wa Kiislamu na kuharakishwa kwa harakati kuelekea ustaarabu mpya wa Kiislamu. Aidha, amewataka viongozi na maafisa kuzingatia zaidi kuliko wakati mwingine wowote nafasi yao ya kihistoria na yenye kuamua hatima katika kuuangamiza kabisa uvimbe wa saratani wa Kizayuni, kumfukuza Marekani mhalifu kutoka katika eneo, na kukabiliana na adui kwa msimamo wa nguvu.
Mjumbe wa Kamati ya Uongozi ya Baraza la Wataalamu wa Uongozi amesisitiza pia kwamba, kwa kuzingatia jinai za Marekani baada ya Mkataba wa Maelewano wa Pakistan, madai na haki zetu halali ni kubwa zaidi kuliko yale yaliyotajwa katika mkataba huo, na kwamba haki halali za wananchi, mfumo wa Kiislamu na Muqawama zinapaswa kudaiwa kutoka kwa maadui hao.
Hapa chini tunakuletea ujumbe kamili wa Ayatollah Rajabi:
Kwa Jina la Mwenyezi Mungu, Mwingi wa Rehema, Mwenye Kurehemu
Imepita Arubaini tangu kufanyika hafla ya mazishi na kuzikwa Kiongozi Shahidi na mwenye hekima wa Mapinduzi ya Kiislamu; mazishi ambayo, ingawa kwa mtazamo wa nje yalikuwa mwisho wa maisha matukufu ya uongozi wa kiongozi mkubwa na asiye na mfano, lakini kwa hakika yalikuwa mwanzo wa uhai mpya wa Uislamu na madhehebu ya Ahlul-Bayt (as), mwamko wa Umma wa Kiislamu na kuharakishwa kwa harakati kuelekea ustaarabu mpya wa Kiislamu.
Kiongozi wetu mwenye hekima na shahidi, katika kipindi cha miaka 37 ya uongozi wake wenye busara na uoni wa mbali, aliwafikisha wafuasi wa Uislamu halisi wa Muhammad katika hatua ya mwamko usio na mfano; aliusogeza mfumo wa Jamhuri ya Kiislamu ya Iran karibu na kilele cha maendeleo na ustawi; aliupa Uislamu na madhehebu ya Ahlul-Bayt (as) heshima na utukufu; na akawapa matumaini na uhai mpya wafuasi wa uadilifu, uhuru, utu na maadili ya kibinadamu na ya wahyi, pamoja na kuunda Muqawama ulioungana dhidi ya ubeberu.
Kwa upande mwingine, aliivunja kabisa nguvu ya uongo na ya kuonekana tu ya Marekani mhalifu na Mzayuni mnyakuzi na muuwaji wa watoto. Alifanya njama, vitisho na migogoro mbalimbali iliyopangwa kwa ustadi na kutekelezwa kwa muda mrefu na maadui hao si tu kushindwa, bali kila mmoja wao akageuzwa kuwa fursa, uwezo na nguvu kwa ajili ya Iran na upande wa haki. Pia aliwaonesha watu wa dunia sura halisi ya wale wanaodai kutetea haki za binadamu, pamoja na mashirika na tawala zinazodai uhuru na uadilifu, ambazo zilikuwa zimejificha nyuma ya propaganda kubwa na vita tata na mbalimbali vya kiutambuzi; kiasi kwamba leo utawala wa Kizayuni na Marekani mlafi wa dunia ni miongoni mwa tawala zinazochukiwa zaidi na watu duniani, na fedheha na kushindwa kwao kumefikia dunia nzima imesikia. Kwa upande mwingine, Iran ya imekuwa mwelekeo wa matumaini na mfano kwa watu huru, wanaotafuta uadilifu na wanaopigania uhuru duniani, na imejitokeza kama dola kuu inayochipukia; nguvu hiyo mpya inayotaka kuikomboa jamii ya wanadamu kutoka katika utawala wa madola ya kiburi kwa msingi wa uadilifu na kiroho, na kuifikisha katika furaha ya kweli duniani na Akhera.
Kiongozi wetu mkuu na mwenye thamani, shahidi, kwa hakika, baada ya Imam Mkuu, Mwenyezi Mungu autakase moyo wao, alikuwa muujiza wa pili mkubwa wa Mwenyezi Mungu katika zama za sasa na zawadi isiyo na mfano ya Mwenyezi Mungu kwa Umma wa Kiislamu, bali kwa jamii yote ya wanadamu. Katika kipindi cha uongozi wake, aliiletea jamii ya wanadamu huduma kubwa na mabadiliko yasiyo na mfano kwa ajili ya kuimarisha upande wa haki, uadilifu na kiroho, na katika kupambana na unyonge, uchafu, dhulma, udikteta na ubeberu.
Iwapo Imam mpendwa, katika zama ambazo kauli kuhusu mwisho wa itikadi na dini ilikuwa imeenea, alianzisha na kuimarisha serikali ya kidini kwa msingi wa Uislamu halisi wa Muhammad, basi Kiongozi Shahidi mwenye hekima, katika kuufafanua, kuupanua na kuufanya kuwa wa kimataifa, licha ya njama zote za maadui zilizodumu karibu nusu karne, alifanya muujiza na, kwa namna ya Mitume, katika kuamsha akili za wanadamu na kuziita nafsi zao za asili, «لِیَسْتَأْدُوهُمْ مِیثَاقَ فِطْرَتِهِ ... وَ یُثِیرُوا لَهُمْ دَفَائِنَ اَلْعُقُولِ» alileta mabadiliko makubwa duniani.
Sasa, kutokana na uongozi huu wenye busara, hekima, mtazamo wa mbali wa mustakabali na unaotegemea fadhila za Mwenyezi Mungu, mfumo wetu upo katika kipindi muhimu cha kihistoria kinachoelekea kwenye ustaarabu mpya wa Kiislamu na kuwa karibu na kilele cha ustaarabu wa Kiislamu. Wananchi wote, na hasa viongozi na maafisa, wanapaswa kuliko wakati mwingine wowote kuzingatia nafasi yao ya kihistoria na yenye kuamua hatima katika kuangamiza kabisa uvimbe wa saratani wa Kizayuni, kumfukuza Marekani mhalifu kutoka katika eneo na kuweka mazingira ya kudhihiri kwa Imam Mahdi, Mwenyezi Mungu azifanye nafsi zetu kuwa fidia yake. Wanapaswa kukabiliana na adui kwa msimamo wa nguvu, kuzidai haki halali za wananchi, mfumo wa Kiislamu na Muqawama kutoka kwa maadui hao, na wafahamu kwamba, kwa kuzingatia jinai za Marekani baada ya Mkataba wa Maelewano wa Pakistan, madai na haki zetu halali ni kubwa zaidi kuliko yale yaliyotajwa katika mkataba huo. Kwa kuzingatia pia kwamba tupo katika nafasi bora zaidi ya nguvu, huku adui akiwa katika mteremko wa kuanguka na kwamba katika siku za usoni zisizo mbali atatupwa katika jalala la historia, haki na madai yote ya wananchi, mfumo wa Kiislamu na Muqawama ulioungana, hususan Muqawama wa Lebanon, lazima yatimizwe na kurejeshwa.
Viongozi na maafisa wanapaswa kujifunza kutokana na mafunzo yaliyo wazi ya matukio ya zamani na mazungumzo, na wafahamu kwamba kusisitiza tena njia hii isiyofanikiwa, yenye madhara na ambayo imejaribiwa mara kwa mara hakutawafikisha popote. Kwa kumcha Mwenyezi Mungu, wajilinde wao wenyewe, taifa na mfumo dhidi ya kuingia katika mazingira yenye utata katika uchanganuzi, kufanya maamuzi na kuchukua hatua, na wafahamu kwamba:
«إِنَّ مَنْ صَرَّحَتْ لَهُ اَلْعِبَرُ عَمَّا بَیْنَ یَدَیْهِ مِنَ اَلْمَثُلاَتِ حَجَزَتْهُ اَلتَّقْوَی عَنْ تَقَحُّمِ اَلشُّبُهَاتِ»
“Hakika, yule ambaye mafunzo ya yaliyotokea mbele yake yamemdhihirishia wazi yale yaliyowapata waliotangulia, uchamungu humzuia kujitumbukiza katika mambo yenye utata.”
«لَوْ قاتَلَکُمُ الَّذِینَ کَفَرُوا لَوَلَّوُا الْأَدْبارَ ثُمَّ لا یَجِدُونَ وَلِیًّا وَ لا نَصِیراً سُنَّةَ اللَّـهِ الَّتِی قَدْ خَلَتْ مِنْ قَبْلُ وَ لَنْ تَجِدَ لِسُنَّةِ اللَّـهِ تَبْدِیلا»
“Na lau wale waliokufuru wangepigana nanyi, bila shaka wangalikimbia kwa kugeuza migongo yao; kisha wasingempata mlinzi wala msaidizi. Hiyo ndiyo desturi ya Mwenyezi Mungu iliyokwisha pita kabla, wala hutapata mabadiliko yoyote katika desturi ya Mwenyezi Mungu.”
Mahmoud Rajabi
Maoni yako